最近更新

【電影】超出期待的續集 -《超音鼠大電影2》

《超音鼠大電影2》在上集推出的兩年後,於2022年7月21日在香港上映!,而今集預算增加了不少,Sonic的伙伴Tails和對手Knuckles終於出場。

-影評-
《超音鼠大電影2》在上集上映後兩年推出,相對上集以公路電影的形式鋪陳Sonic與男主的友情,今集集中Sonic與Tails如何阻止蛋頭博士的陰謀,主線簡單清晰,即使未睇過第一集亦都無礙觀賞。

而不知是否今集預算比較鬆動,畢竟上集在制作途中要重新設計Sonic的外觀,今集的動作場面比第一集更多,改善了第一集在一開始進展比較慢的缺點。

總體來說,無論有否玩過Sonic遊戲,或是看過第一集的,我覺得進場一看都是值回票價的。

-劇透注意-

小編覺得全套戲最精彩的動作場面,要數雪山那一幕與Knuckles和蛋頭博士的對戰,緊張感可以和《Mission Impossible》一比。

而本戲笑位亦很多,不會冷場。在西伯利亞Sonic和Tails要和當地人鬥跳舞以取回被搶的地圖一段,以及Sonic和Tails被G.U.N.捉走後,眾人去救援的一段是全戲的笑位高鋒。

本戲動作場景精美,笑位亦很通俗,相信即使是未接觸過Sonic遊戲的小孩入場,亦會看得相當開心。

但個人認為最後與蛋頭博士的巨大機械人的作戰略短,不出兩三下次打贏了,如果最後這段戰鬥可以加長一點,全戲的節奏我覺得可以做得更好。

另外,上集和Sonic強調是朋友的男主角,今集的設定變成了Sonic的父親角色一般,主要作用就是說教。雖然主角結了婚亦事業有成,但角色關系轉變得如此大,令睇了第一集的編者覺得有些違和感,這點如果未睇過第一集的話,相信就不會覺得有問題了。

另外最尾彩彈是Shadow,請期待第三集!

 

-電影簡介-
人人冧爆的超音鼠極速再衝大銀幕,《超音鼠大電影2》即將呈獻加倍強勁的新歷險!經過上集的大冒險、回到綠山安頓之後,超音鼠(班舒禾茲 聲演)急於證明自己可以成為真正的英雄,而考驗正正來自他的死對頭──蛋頭博士(占基利 飾)再度回來作惡,今次還帶同新拍檔納克魯斯,到處搜尋蘊含強大破壞力量的神秘綠寶石。超音鼠和同伴塔爾斯誓要翻轉全球,搶先壞人一步找出綠寶石!

《超音鼠大電影2》由《狂野時速》及《死侍》監製再度傾力炮製,占士馬史頓、班舒禾茲、蒂嘉森達、娜塔莎露維爾、阿當柏利及占基利原班人馬回歸,聯同新加盟的薛馬摩爾、艾迪斯艾巴(聲演納克魯斯)及歌倫奧索尼斯(聲演塔爾斯),延續勁度十足的打機震撼。

-角色介紹-
超音鼠(班舒禾茲 聲演)
跑步快到音速一樣嘅超音鼠,係一隻好奇心爆棚、自信滿分兼講嘢超快嘅藍色刺蝟,佢隨時準備接受任何形式嘅冒險。自從上集似乎打低咗邪惡又有野心嘅蛋頭博士之後,佢好快喺地球安頓落嚟,同阿湯、美迪一齊生活。不過佢嘅「鼠」生繼續超刺激--超音鼠遇到新拍檔塔爾斯,兩個要同心合力,先可以對付到由蘑菇星走甩嘅蛋頭博士,仲有超強新敵人納克魯斯參戰㖭呀!

阿湯(占士馬史頓 飾)
阿湯喺寧靜嘅綠山鎮土生土長,一直安守本份,擔任呢個小鎮嘅警察,可惜佢從來未感受過原本夢寐以求嘅刺激冒險--直到活力爆燈嘅超音鼠衝入佢嘅人生,仲幫佢改個花名叫「冬甩狂」。阿湯同老婆美迪就係咁開始同超音鼠一齊生活,為佢平淡嘅生活注入愛意同埋更多嘅麻煩。

美迪(蒂嘉森達 飾)
正職獸醫嘅美迪係阿湯嘅老婆,佢雖然同意俾超音鼠一齊住喺綠山鎮,但美迪一直𥄫實佢一舉一動。超音鼠見識過佢超柔軟嘅瑜伽動作,於是稱呼美迪做「蝴蝶餅女士」。

蛋頭博士(占基利 飾)
蛋頭博士係地球上最聰明嘅人,而且係研發機械人嘅世界頂尖專家。上集佢出盡全力想捕捉世上最快嘅超音鼠,結果失敗收場,仲被流放到與世隔絕嘅蘑菇星。雖然佢追求無敵力量嘅計劃受挫,不過佢搵到超勁新拍檔納克魯斯幫手,成功重返地球,今次佢誓要征服超音鼠嘅音速威力!

塔爾斯(歌倫奧索尼斯 聲演)
突然現身地球嘅塔爾斯好快同超音鼠混熟,成為佢得力嘅助手,一齊對付蛋頭博士。身為一個出色嘅飛機師兼機械天才,塔爾斯除咗研發好多新發明,幫助超音鼠解決困難之外,仲會用佢嘅雙尾化身直升機翼,成個天空都係佢地頭!

納克魯斯(艾迪斯艾巴 聲演)
納克魯斯為咗打低超音鼠,同蛋頭博士結盟,火爆爆闖入地球。納克魯斯天生擁有可以摧毀一切嘅強勁拳頭,佢將會以呢股力量對撼超音鼠嘅極速,呢兩隻外星刺蝟同外星針鼴之間嘅終極對決即將爆發!

-電影資訊-
導演:
謝夫科拿
DIRECTED BY:
Jeff Fowler

編劇:
柏加西、祖舒美拿 及 尊惠廷頓
SCREENPLAY BY:
Pat Casey & Josh Miller and John Whittington

故事:
柏加西 及 祖舒美拿
STORY BY:
Pat Casey & Josh Miller

改編自SEGA同名電子遊戲
Based on the SEGA Video Game

監製:
尼爾莫里斯、杜比亞斯查、中原俊 及 奧野仁志
PRODUCED BY:
Neal H. Moritz, Toby Ascher, Toru Nakahara, Hitoshi Okuno

製作總監:
里見治紀、杉野行雄、内海州史、南摩利斯 及 添美拿
EXECUTIVE PRODUCED BY:
Haruki Satomi, Yukio Sugino, Shuji Utsumi, Nan Morales, Tim Miller

演員:
占士馬史頓、班舒禾茲、蒂嘉森達、娜塔莎露維爾、阿當柏利、薛馬摩爾、歌倫奧索尼斯
與 艾迪斯艾巴 及 占基利

© 2022 Paramount Pictures and Sega of America, Inc.

About reinzwei (132 Articles)
八神はやて是本命,新歡是琴里妹妹(被摳)今季被《兔子》治愈了。:3 咦!?還未夠字數?下次再寫…